Banorët luajnë me pantonime

Banorët janë mbledhur të gjithë në dhomën e ndenjes dhe vendosin të argëtohen duke luajtur me pantonime. Ato ndahen në dy grupe dhe loja fillon. E para që mundohet të kthejë në gjeste fjalën e thënë është Joana. Skuadrat janë të rrepta me njëra – tjetrën dhe nuk lëshojnë pe për gabimet e bëra. Loja duket shumë argëtuese dhe banorët duken të kënaqur. Vjen rradha e Ilirit i cili mundohet të bëjë pilivesën, por duket që ka vështirësi të kuptohet nga skuadra e tij. Ndërsa Elenës si për ironi të fatit i qëllon të imitojë balenën, por gjendet shpejt nga shokët e skuadrës. Por skuadra më me fat ndihet ajo që ka Altinën në krah. Si aktore ajo e ka të thjeshtë të imitojë më gjeste thuajse çdo fjalë të menduar nga skuadra kundërshtare. Situata komike dhe të hareshme shoqërojnë banorët gjatë gjithë lojës.